Home » » KUMPULAN LIRIK LAGU BANJAR KALIMANTAN SELATAN

KUMPULAN LIRIK LAGU BANJAR KALIMANTAN SELATAN

Berikut ini adalah kumpulan lagu-lagu Daerah, yaitu lagu Banjar Kalimantan Selatan. Beberapa lagu ini ada yang sudah menjadi lagu rakyat karena sudah di syairkan, dan dinyanyikan  warga masyarakat Kalimantan Selatan Sejak dulu, banyak diantara lagu-lagu ini yang mendapat esensi dan tidak lepas dari keberadaan musik Panting khas Kalimantan Selatan, Beberapa lagu ini juga ada yang sudah lama menjadi lagu daerah asli, juga ada lagu banjar Populer dengan aransemen dan komposisi musik modern dewasa ini seperti musik dangdut dan musik pop.  


AMPAR-AMPAR PISANG

Ampar ampar pisang
Pisangku balum masak
Masak sabigi dihurung bari-bari
Masak sabigi dihurung bari-bari

Manggarepok manggarepok
Patah kayu bengkok
Bengkok dimakan api
Apinya kasurupan
Bengkok dimakan api
Apinya kasurupan

Nangmana batis kutung
Dikitip bidawang
Nangmana batis kutung
Dikitip bidawang

* * * http://lagu-kumpulirik.blogspot.com/

PARIS BARANTAI 

Wayah pang sudah hari baganti musim
Wayah pang sudah

Kotabaru gunungnya Bamega
Bamega umbak manampur di sala karang
Umbak manampur di sala karang
Batamu lawanlah adinda 
adinda iman di dada rasa malayang
iman didada rasa malayang

Pisang silat tanamlah babaris
Babaris tabangpang bamban kuhalangakan
tabangpang bamban kuhalangakan
Bapalat gununglah babaris
babaris hatiku dandam ku salangakan
hatiku dandam ku salangakan

Burung binti batiti di batang
di batang si batang buluh kuning manggading
di batang buluh kuning manggading
malam tadi bamimpi lah datang
nang datang rasa bapaluk lawan siading
rasa bapaluk lawan siading

Kacilangan lampulah dikapal
dikapal anak walanda main komidi 
anak walanda main komidi
Kasiangan guringlah sabantal
sabantal tangan kadada hidung kapipi
tangan kadada hidung kapipi.

* * *
Untuk Acord/Partitur dan Lirik lagu Paris Barantai lengkap Dapat dilihat disini !!
http://lagu-kumpulirik.blogspot.com/

AYUN APAN

AYUN APAN ANAK KUNDAN KUTINGGAL APAN 
AYUN SALENDANG ANAK KUNDAN HANYUT BADIRI
AYUN APAN ANAK KUNDAN UJARKU APAN                  
URANG BUJANG ANAK KUNDAN BARANAK TIRI

DUA KALI ANAK KUNDAN HUJAN DIGAMBAH
MAHUJANI ANAK KUNDAN ANAK PAPUYU
DUA KALI ANAK KUNDAN MANGIAU ASBAH
MANGAWINAKAN ANAK KUNDAN ANAK DAHULU

TIUP API ANAK KUNDAN DIGUNUNG LIDANG 
HABU HABUNYA ANAK KUNDAN KU TAMPI JUA
NIAT HATI ANAK KUANDAN TUMAT DIBUJANG
BALU BALUNYA ANAK KUNDAN KU HADANG JUA

AMAS MARAH ANAK KUNDAN INTAN SAKARAT 
HUMBUT NYIUR ANAK KUNDAN DICUCUR ANGSA
BAPANDERAN ANAK KUNDAN NANG PINA HARAT
WANI MANJUJUR ANAK KUNDAN BARAPA JUTA

* * *
http://lagu-kumpulirik.blogspot.com/

JAPIN  RANTAUAN

DENGAN BISMILAH KAMI BAMULA 2X
LANGKAHKAN KAKI KANAN DAN KIWA 2X
PUJI DAN SYUKUR PADA YANG ESA 2X
MUDAHAN KITA DI BERKAHINYA 2X

SALAWAT SALAM KAMI KIRIMKAN 2X
PADA PADUKA RASUL JUNJUNGAN 2X
JAPIN LAH INI JAPIN RANTAUAN 2X
TARIAN KAMI DI PASISIRAN 2X

JAPIN LAH INI JAPIN RANTAUAN 2X
TARIAN KAMI DI PASISIRAN 2X
MANGHIBUR HATI NANG SAURANGAN 2X
JAUH DI KAMPUNG JAUH HALAMAN 2X

KALAU LAH ADA JARUM NANG PATAH 2X
JANGAN DI SIMPAN DI DALAM PETI 2X
KALAU LAH ADA LANGKAH NANG SALAH 2X
JANGAN DISIMPAN DI DALAM HATI 2X 

* * *
http://lagu-kumpulirik.blogspot.com/

MUSIK PANTING

DENGAN BISMILLAH KAMI UCAPKAN ALAH SAYANG 2X
PANTING DI KATIK BAANDUNG TANGAN 2X
LAGU DI ALUN NANG DIBAWAKAN ALAH SAYANG 2X
KISAHNYA NASIB MARISTA BADAN 2X

MUSIK PANTING KITA DANGARI ALAH SAYANG 2X
PANINGGAL DATU URANG BAHARI 2X
PATUT DIBINA DIPALAJARI ALAH SAYANG 2X 
KITA KEMBANGKAN DISANA SINI 2X

MANGATIK PANTING DIBULAN TARANG ALAH SAYANG 2X
DUDUK BASILA BASANGGA WIHANG 2X
MARISTA DIRI BADAN SAURANG ALAH SAYANG 2X
MANUNGGU NASIB  RAJAKI DATANG 2X

MUSIK PANTING NANG DITINGGALI ALAH SAYANG 2X
SENI HIBURAN URANG BAHARI 2X
PANTING DIKATIK DIMALAM HARI ALAH SAYANG 2X
MAHIBUR HATI DIKALA SUNYI 2X 

* * *
http://lagu-kumpulirik.blogspot.com/

TIRIK LALAN

DI APAI JUA BAMBANKU INI YU LALI LALAN
YULAN YU LALI LALAN YULAN YU LALI LALAN
YULAN YU LALIN YULAN YU LALI LALAN 
DI APAI JUA…….. BAMBANKU INI………..

JANGAN DI TABANG SUPAYA RATA YU LALI LALAN
YULAN YU LALI LALAN YULAN YU LALI LALAN 
YULAN YU LALIN YULAN YU LALI LALAN 
JANGAN DI TABANG………. SUPAYA PANG RATA……….

DI APAI JUA BADANKU INI YU LALI LALAN 
YULAN YU LALI LALAN YULAN YU LALI LALAN 
YULAN YU LALIN YULAN YU LALI LALAN
DI APAI JUA BADANKU INI…………

MALAM WAN SIANG KADA PANG LUPA YU LALI LALAN
YULAN YU LALI LALAN YULAN YU LALI LALAN 
YULAN YU LALIN YULAN YU LALI LALAN
MALAM WAN SIANG………. KADA PANG LUPA………..

ITIK PANG MANDI JURAGI MANDI YU LALI LALAN
YULAN YU LALI LALAN YULAN YU LALI LALAN
YULAN YU LALIN YULAN YU LALI LALAN
ITIK PANG MANDI………. JURAGI PANG MANDI……….

SINGGAH MANCUCUR SI LUMUT BATU YU LALI LALAN 
YULAN YU LALI LALAN YULAN YU LALI LALAN
YULAN YU LALIN YULAN YU LALI LALAN
SINGGAH MANCUCUR………. SI LUMUT BATU…………

APA LAH LAGI KU HADANG LAGI YU LALI LALAN
YULAN YU LALI LALAN YULAN YU LALI LALAN 
YULAN YU LALIN YULAN YU LALI LALAN
APA LAH LAGI……….. DI HADANG PANG LAGI…………

KU HADANG-HADANG  TUMAT DAHULU YU LALI LALAN 
YULAN YU LALI LALAN YULAN YU LALI LALAN 
YULAN YU LALIN YULAN YU LALI LALAN
KU HADANG-HADANG………… TUMAT DAHULU……… 

* * *
http://lagu-kumpulirik.blogspot.com/

  
HALIN

BANAIK PINANG SI BUNGAS LANGKAR 
BANAIK PINANG……………………………..
BATIS BAKAIT JANGAN DI BASUH 
DI BANYU KARUH DI BANYU KARUH


LAMUN TAGANANG SI BUNGAS LANGKAR
LAMUN TAGANANG ………………………..
WAYAH BAULIT BANYUNYA MATA 
KAHADA TADUH KAHADA TADUH


REFF :
BASAKSI MARANGKAI JANJI 
BADAPAT BATAMU SUDAH BATALI 
UMAI PADIHNYA KADA BADAYA BADANKU


BASAKSI MARANGKAI JANJI
BADAPAT BATAMU SUDAH BATALI 
TINGGAL BASARAH LAWAN NANG KUASA 
ILLAHI RABBY…………………………….

DAUN MINGKUDU SI BUNGAS LANGKAR 
DAUN MINGKUDU…………………………
KAMBANGLAH RAMPAI JANGAN DI IKAT 
DI BUNCU  KAIN DI BUNCU KAIN 

HALIN JUDU SI BUNGAS LANGKAR 
HALINLAH JUDU……………………………
BALUMAN SAMPAI TANIAT HATI
KADA KA LAIN KADA KA LAIN 

* * *
http://lagu-kumpulirik.blogspot.com/


MANDUNG – MANDUNG

Mandung-mandung ari pang landung sayang angin manyapu 2x
Angin manyapu 2x di tangah hari………….
Mandung-mandung hati ku bingung sayang batambah pilu 2x 
Bawa banyanyi 2x sambil manari………….

Mandung-mandung aduh saraung sayang di pandadakan 2x 
Duduk Pa Amat 2x mangaut nasi…………..
Mandung-mandung nang taparaung sayang sapanjanakan 2x
Asa marukat 2x di dalam hati……………

Mandung-mandung aduh marumput saayang batimbun api 2x
Ada bilalang 2x dilangan baju……………
Mandung-mandung aduh marungut sayang batikin hati 2x 
Buka bilangan 2x kada bajudu………….. 

* * *
http://lagu-kumpulirik.blogspot.com/


TIRIK

#  Dalima bungas langkar akar jalatang 
Latang,, 
Buluhlah marindu bungas langkar balah par ampat 2x
Ditarima bungas langkar badanku datang
Datang dandam panglah rindu bungas langkar handak  badapat
Bungas langkar palihuman datang rindu handak badapat

Kalu kada bungas langkar karana kunci 
Kunci,,
Kada tabuka bungas langkar pintu lamari 2x
Kalu kada bungas langkar karana janji
Janji kada badanku bungas langkar datang kamari
Bungas langkar palihuman kada badanku datang kamari

Tabulah salah bungas langkar sarai sarapun 
Rapun,,
Unjunlah dibatang bungas langkar umapat batali 2x
Amun tasalah bungas langkar maminta ampun
Ampun ulun panglah datang bungas langkar umpat banyanyi
Bungas langkar palihuman ulun datang umpat banyanyi.

* * *
http://lagu-kumpulirik.blogspot.com/


TA’INGAT KASIH

Siang wan malam badan marista badan 
Halin diriku nang saurangan 
Ta’ingat kasih…….
Dipamadaman 2x
Tulak marantau ya sayang mancari makan

Kada lupa lah badan hati dibadan 
Satiap hari rindu dandaman
Burung tarabang……
Ku pasanakan 2x
Angin ba’tiup ya sayang ku bayangakan 

Duduk ma’ungut lah sayang dimuha lawang 
Ingat ba’tamu dibulan tarang
Bajanji kawin…….
Mun inya datang 2x
Kawin ba’arak ya sayang wan kuda gipang

* * *
http://lagu-kumpulirik.blogspot.com/

SITI ZUBAIDAH

Rasa pang ta’rista aduh disayang……ditinggalakan 
Manitik si banyu mata aduhai disayang
Si banyu mata aduh disayang……kasih ku jauh

Jangan manangis aduh disayang……ta’pisah jauh
Ta’pisah mun ada untung aduhai disayang 
Mun ada untung aduh disayang…… ba’tamu pulang

Lamunlah ta’pisah aduh disayang…..lawan badan ku
Badan ku sahari jangan aduhai disayang
Sahari jangan aduh disayang……dibari lupa

Biar panglah hancur aduh disayang…bumi mangandung
Mangandung kada ta’carai aduhai disayang
Kada ta’carai aduh disayang…….kita ba’dua

* * *
http://lagu-kumpulirik.blogspot.com/


KURIHING BALU

Manis-manisnya manisan panjang 2x
Manis pang lagi manisan layu 2x
~*~
Manis-manisnya kurihing bujang 2x
Manis pang lagi kurihing balu 2x

~intro~

Manis-manisnya limau dipadang 2x
Manis pang lagi limau didarat 2x
~*~
Manis-manisnya nang rambut panjang 2x
Manis lagi nang ba’tahi lalat 2x

~intro~

Manis-manisnya buah hambawang 2x
Manis pang lagi si buah mangga 2x
~*~
Manis-manisnya nang bibir habang 2x
Manis pang lagi nang galak mata 2x

* * *
http://lagu-kumpulirik.blogspot.com/

BAJANJI HATI

Hari pang ini adingai mambantang tali 2x
Tali dibantang adingai jadi dadaian 2x

Hari pang ini adingai kita bajanji 2x
Sambil bajanji adingai bapigang tangan 2x

Lamun pang tali adingai tali balati 2x
Tali dadaian adingai sampiran kain 2x

Bila pang kita adingai sudah bajanji 2x
Jangan dikambar adingai lawan nang lain 2x

Lamun pang tali adingai jadi dadaian 2x
Ulur salimut adingai didadai jua 2x

Lamun pang janji adingai dibatalakan 2x
Saumur hidup adingai kada kurila 2x

* * *
http://lagu-kumpulirik.blogspot.com/

PULAU PANDAN

Pulau pandan nang jauh ditangah 2X
Dibalik pulau 2X Angsanya dua…
Hancur badan dikandung tanah 2X
Budi nang baik 2X Dikanang jua…
Musik panting nang ditinggali 2X
Seni hiburan 2X urang bahari…
Panting dikatik dimalam hari 2X
Manghibur hati 2X dikala sunyi…
Kalulah ada jarum nang patah 2X
Jangan disimpan 2X didalam pati…
Kalulah ada kata nang salah 2X
Jangan disimpan 2X didalam hati…
Kalulah ada sumur diladang 2X
Boleh kita 2X manumpang mandi…
Kalulah ada umur nang panjang 2X
Mudahan kita 2X bertemu lagi…

* * *
http://lagu-kumpulirik.blogspot.com/

GUNA GUNA NIKITAK
( ading bastari )

Anaklah sapat 2x guliang padi
Anaklah kuda dirapun paring 3x
Anak siapa 2x nang lalu tadi 
Bacalak mata batulis kaning 3x

Buah hambawang 2x masaknya kuning
Gugur dilumpur dipinggir parit 3x
Bibirnya habang 2x rambut kariting 
Lihum bapair mata manyirit 3x

Batanglah kapas 2x batang kamuning
Bigi tiwadak buah kuini 3x 
Sudahlah bungas 2x salagi bingking
Turun marusak kajantung hati 3x

Kunanglah kunang 2x disangka bintang
Amun sasawi nang lauk makan 3x
Amun nang kana 2x guna nikitak 
Salawi hari nang kada makan 3x

* * *
http://lagu-kumpulirik.blogspot.com/

HINCANG HINCANG
( ading bastari )


Cancang cancang 2x hubiku cancang 2x
Batanglah gambir 2x batang gumbili 2x
Hincang hincang 2x kandaku datang 2x
Datang kamari 2x si jantung hati 2x

Batang pirawas 2x bakandung buku 2x 
Pangalang tangga 2x dimuha lawang 2x
Sudah lawas 2x kada batamu 2x
Imbah batamu 2x baumpat pualang 2x

Asamlah pauh 2x pidara pauh 2x
Ramalah rama 2x batali banang 2x
Kanda jauh 2x adinda jauh 2x
Samalah sama 2x hati mangganang 2x

Dua kali 2x suling maninti 2x
Nang manyurapat 2x kambang durian 2x
Dua kali 2x guring tamimpi 2x
Mimpi badapat 2x dikaguringan 2x

* * *
http://lagu-kumpulirik.blogspot.com/

TALANJUR BATUNANGAN
( ading bastari )

Kanapa ading taungut saurangan
Mun ada maksud hati jangan disimpan
Supaya kita sama marasaakan 2x
Aduhai sayang …… aduhai sayang

Amun ulun manyambat mamadahakan
Kasihan jangan sarik didalam badan
Ulun sudah nang talanjur batunangan 2x
Aduhai sayang …… aduhai sayang

Umainya purun ading maninggalakan
Dimapa jua lawan janji samalam
Amun kawa tunangan dibatalakan 2x
Aduhai sayang …… aduhai sayang

Ulun basarah diri lawanlah badan
Umpama pian mambawa ulun madam
Biar kamana ka’ai kuiringakan 2x
Aduhai sayang …… aduhai sayang

* * * 
http://lagu-kumpulirik.blogspot.com/
                                 
BATAWAK PANTUN
( ading bastari )

Nyiurlah tindan sayang kulapa tindan 2x
Kutindanapan sayang dilimau manis 2x
Lihumlah tinggal sayang kupaluk tinggal 2x
Kutinggalakan sayang jangan manangis 2x

Limaulah purut sayang labat sadahan 2x
Lamun kutabang sayang pagat buahnya 2x 
Hujan pang labat sayang dapat ditahan 2x
Hati nang dandam sayang apa ubatnya 2x 

Hari pang hari sayang manyulam banang 2x
Banang disulam sayang sambil badiri 2x
Hari pang hari sayang ulun mangganang 2x
Kada pang lupa sayang barang sahari 2x

Sapulah tangan sayang buncunya ampat 2x
Nang sabuncunya sayang dimakan api 2x
Luka ditangan sayang kawa dibabat 2x 
Luka dihati sayang tabawa mati 2x

* * *
http://lagu-kumpulirik.blogspot.com/

BADINDANG RIA
( ading bastari ) 

Bukan batang sambarang batang  2x
Batang jalapat tumbuh malancar
Bukan datang ya sayang 
sambarang datang ya sayang  2x
Datang malihat banua banjar                                                                                                                                        
Buah asam buah kuranji     2x
Buah rambai batangnya tinggi
Sudimampir ya sayang                                          
Dirumbung kami ya sayang    2x                                                      
Mamakan wadai maminum kupi

Ambilakan buah kuini    2x
Sibuah binjai tanam bijinya
Ambilakan ya sayang 
Apam paranggi ya sayang   2x
Kupi nang pahit saparu haja

Buah pisang masak sabigi  2x
Diparamakan didalam bara                
Pais pisang ya sayang
Cuba rasai ya sayang   2x
Si wadai cincin nang panas panas

Tuan syarif anak pangeran    2x
Manunggang kuda lawan selanya                                                                                               
Jangan sarik ya sayang 
Mandangarakan ya sayang   2x
Mun panyarikan lakas batuha  

* * * 
http://lagu-kumpulirik.blogspot.com/

ALAHAI SAYANG 

Hitam hitam maritam buahnya manis 2x
Mulai bakambang luruh sakaki 2x
Ahai ………. Alahai sayang

Biar hirang lamunnya kupandang manis 2x
Sakali kupandang cucuk dihati 2x
Ahai ………. Alahai sayang 

Hitam hitam tampuknya tampuk palawi 2x
Batanglah kamuning luruh kambangnya 2x 
Ahai ………. Alahai sayang

Biar hirang ya manis tapi panggawi 2x 
Awak putih kuning apa gunanya 2x 
Ahai ………. Alahai sayang

Anak lalat ya guring guring bagantung 2x 
Anak anak warik manyanyiakan2x
Ahai ………. Alahai sayang 

Kada harat rupanya lamun bauntung 2x
Kalakuan baik lagi baiman 2x
Ahai ………. Alahai sayang

* * *
http://lagu-kumpulirik.blogspot.com/

PARIS TANGKAWANG

Tabang bamban adingai kuricih ricih
Tabang pang bamban adingai kuricih ricih
Imbah kuricih 2x adingai kubabat pulang
Hati dandam adingai bamula ampih 
Hati pang dandam adingai bamula ampih 
Bawa badapat 2x  adingai baumpat pulang

Apik apik adingai manyusun sirih 
Apik pang apik adingai manyusun sirih
Ada tasusun 2x adingai nang bahampiring
Apik apik adingai ikam mamilih
Apik pang apik adingai ikam mamilih
Ada tapilih 2x adingai diriku miskin

Pucuk pisang adingai gadangnya layu
Pucuk pang pisang adingai gadangnya layu
Kamana jua 2x adingai maambunakan 
Kuhadang hadang adingai kadada lalu
Kuhadang hadang adingai kadada lalu
Kamana jua 2x adingai manakunakan 

Tahu haja adingai garubak lalu
Tahu pang haja adingai garubak lalu
Kanapa ikam 2x adingai kada kapinggir
Tahu haja adingai diriku balu
Tahu pang haja adingai diriku balu
Kanapa ikam 2x adingai kada bapikir 

* * *
http://lagu-kumpulirik.blogspot.com/

MAMUAI WANYI

Manutuk banih lasung balenggang
Dimapa akal manggalangakan manggalang
Ujar pang buruk tapih dipinggang
Kadada jua manggantiakan mangganti

Baras limbukut jangan ditumbuk 
Baik ditampi buang dadaknya dadaknya
Jangan takutan batpih buruk
Kaina aku nang manggantinya manggantinya

Reff : 
Ayu kita mamuai wanyi mamuai
Mamuai wanyi dibulan tarang
Ayu kita baturai nyanyi baturai
Ikam badua manyahut barataan

Iwak tampurung hanyut dipinggir
Lamat lamatan tadangar usul diusul
Mantangan buruk jangan disindir
Biar kutuha asal bakarul bakarul

Batang manisan ditatak lima
Lalu dibuat didalam lanjung dilanjung
Kalu pang mau kujujur lima
Kuulahakan rumah baanjung baanjung

Kembali ke Reff ***

* * *
http://lagu-kumpulirik.blogspot.com/

AMPAT LIMA

Ampat si ampat lima adingai kuriding patah 
Patah sabilah 2x dihiga lawang
Ampat si ampat lima adingai kutanding sudah
Kada manyama 2x nang baju habang

Ampat si ampat lima adingai kuriding patah
Patah sabilah 2x dihiga tajau
Ampat si ampat lima adingai kutanding sudah 
Kada manyama 2x nang baju hijau

Reff** 

Banyak urang nang maantar tapih
Salambar-lambar kada bakain
Banyak sudah urang nang mamilih
Juduhnya kada kalain

Tiup si tiup api adingai digunung lidang
Habu-habunya 2x kutampiakan
Niat si niat hati adingai tumat dibujang
Balu-balunya 2x kujadiakan

Ujar-ujar pang habar adingai banyak baiwak
Saikung-ikung 2x kada mawadi
Ujar-ujar pang habar adingai banyak nang handak
Saikung-ikung 2x kada manjadi

* * *
http://lagu-kumpulirik.blogspot.com/

KAKAMBAN HABANG

Kambang culan...sasangkutan kakamban habang 2x
Taungut rindu manangis                                            2x
Malihat kakamban-kakamban nang habang 

Hari lawan bulan...rupa manis bapagar bintang 2x
Kakamban nang habang                                         2x
Tabawa bajalan aduhai kasian 

Kambang culan...sasangkutan kakamban habang 2x 
Taungut rindu manangis                                            2x
Malihat kakamban-kakamban nang habang 

Maramis dibanyu dalam...banyu dalam kacap-kacapan 2x
Manangis ditangah malam                                                    2x
Kakamban nang habang nang jadi ingatan 

* * *
http://lagu-kumpulirik.blogspot.com/

CURIAK

Curiak siburung palung 
Bahinggap dikayu jati
Bakuriak maminta tulung
Tali salawar tajarat mati

Curiak siburung palung 
Bahinggap dipuhun jambu
Bakuriak maminta tulung
Mun tumbal kurung tajajak paku

Reff**

Wayahini salawar kada batali 
Sakit tumbal sudah kadada lagi
Pantun ini wawara urang bahari 
Pantun ini wawara urung bahari

Curiak siburung palung
Bakumpul lalu tarabang
Bakuriak maminta tulung 
Bisulnya pacah tagapit lawan

Kembali ke Reff**

* * *
http://lagu-kumpulirik.blogspot.com/

BARAS KUNING

Yu ka bulik pang satumat
Bulik pang satumat
Lawasnya ulun mehadang 
pian meninggalkan 
kampung halaman 
kapapurunan

Yu ka bulik pang damini
Bulik pang damini
Ulun basakit hati
Pian nang ulun tangisi
Kada sakira diri ulun marista

REFF :

Pian datang ulun sambut lawan mayang
ulun hamburi baras
si baras kuning
kur sumangat di muhara lawang…2x

* * *
http://lagu-kumpulirik.blogspot.com/

SI JANTUNG HATI

Aduhai,,, lah sayang     2x
Daun si daun dadap                               2x
Daun dadap gugurnya malintang
Malintang,,,lah daun basunting kambang malati

Aduhai,,, lah sayang     2x
Bulan si bulan kadap                              2x
Bulan kadap basuluhlah bintang
Basuluh,,,lah bintang mancari si jantung hati

* * *
http://lagu-kumpulirik.blogspot.com/

JANGAN MENANGIS 

Limaulah Manis Aduh Disayang Limau Pancukan 2x
Buntunglah Buntung Adingai Badaun pulang 2x
Jangan Manangis Aduh Disayang Ditinggalakan 2x
Mudahan Untung Adingai Batamu Pulang 2x

( Galuh )
Radamlah Radam Aduh Disayang Ka’jawa Lawas 2x
Amparlah Tikar Kakai Sama Ratanya 2x
Amunlah Madam Aduh Disayang Janganlah Lawas 2x 
Ulun Dirumah Kakai Apa Rasanya 2x 

( Nanang )
Asamlah Pauh Aduh Disayang Dalima Pauh 2x 
Ramalah Rama Adingai Batali Banang 2x
Adinda Jauh Aduh Disayang Kakanda Jauh 2x
Samalah Sama Adingai Hati Mangganang 2x

( Galuh )
Buahlah Kacang Aduh Disayang Dibatang Pinang 2x
Paikat Tali Kakai Batang Hambawang 2x
Biarlah Jauh Aduh Disayang Hati Mangganang 2x
Taingat Kasih Kakai Dikampung Urang 2x

* * *
http://lagu-kumpulirik.blogspot.com/

AMAS MIRAH

Amas pang mirah  2x
Kasuma dangdim,,,
Pudak malati  2x
Kambang angsana,,,
Biar pang kawa  2x
Di bawa guring,,,
Kada pang nyaman  2x
Di dalam dada,,,

Amas pang mirah  2x
Kasuma dangdim,,,
Pudak malati  2x
Campaka susun,,,

Kalulah tinggal 2x
Kawan si ading,,,
Jauh sahari 2x
Rasa satahun,,,

Amas pang mirah  2x
Kasuma ingsun,,,
Pudak malati  2x
Kambang jarujuk,,,

Biar ditata  2x
Biar disusun,,,
Kada manyama  2x
Kasih dahulu,,,

* * *
http://lagu-kumpulirik.blogspot.com/

KAMPUNG BARIKIN

Selamat datang kami ucapkan
Bapa wan ibu para undangan
Semua tamu dan kawan-kawan
Silahkan duduk menyaksikan

Musiklah panting kami bawakan
Samban suasa dibari ngaran
Kami bermain berkawan-kawan
Jika ta salah  mohon maafkan

Disa barikin dialamatkan
Kumpulan warga para seniman
Sudah dikenal dikalimantan
Baik dikota dipadesaan

Kampung barikin nang sederhana
Wadah seniman seni budaya
Musik dan tari tatap dibina
Paninggal dari si urang tuha

Kampung barikin aman sentosa
Adat budaya tatap di jaga
Sampai waktunya si upacara
Hindarkan dari bala bencana

* * *
http://lagu-kumpulirik.blogspot.com/

KAMBANG GOYANG

Surui kambang,,,kambang malati
Pakaiakan di malam arba,,,
Kambang goyang di ujung galung
Pangantennya sudah batimung,,,
Ooo,,,,,ooo,,,,,

Waktu raja duduk basanding,,,
Kambang goyang di ujung galung,,,
Amas murni pakaian putri
Adat kawin urang bahari,,,
Ooo,,,,,ooo,,,,,

Reff :
Uraiakan mayang nang sakti,,,
Umpatakan balarut banyu,,,
Adat raja bamandi – mandi,,,
Ooo,,,,,ooo,,,,,

Back to Reff

* * *
http://lagu-kumpulirik.blogspot.com/

DINDANG

Sungai rutas 2x kaka’ai muara muning 2x
Ditarusakan dindang sayang sari ka Margasari 2x
Dasar bungas 2x kaka’ai nang putih kuning 2x
Tahi lalat dindang sayang lagi di mata lagi 2x


Ampat lima 2x kaka’ai kuriding patah 2x
Patah sabilah dindang sayang tajau dihiga tajau 2x
Ampat lima 2x kaka’ai kutanding sudah 2x
Kada manyama dindang sayang rantau si urang rantau 2x


Limau manis 2x kaka’ai limau pancukan 2x
Jangan di buang dindang sayang bulan baras dibulan 2x
Jangan manangis 2x kaka’ai kami mantukan 2x
Ada umur dindang sayang pulang kamari pulang 

* * *
http://lagu-kumpulirik.blogspot.com/

LANCANG KUNING

Lancang kuning,,,lancang kuning 2x
Berlayar malam hai berlayar malam
Haluan menuju 2x ke laut dalam
Haluan menuju 2x ke laut dalam
Lancang kuning berlayar malam 2x

Kalau nahkoda kalau nahkoda   2x
Kuranglah paham hai kurang lah paham
Alamatlah kapal 2x akan tenggelam
Alamatlah kapal 2x akan tenggelam
Lancang kuning berlayar malam 2x

Lancang kuning,,,lancang kuning 2x
Menantang badai hai menantang badai
Tali lah kemudi 2x berpilin tiga
Tali lah kemudi 2x berpilin tiga
Lancang kuning berlayar malam 2x

* * *
http://lagu-kumpulirik.blogspot.com/

TARI BAGADANG

Tanamlah kancur kaka’ai salilit gunung 2x
Tanamlah sarai kaka’ai di balah dua 2x
Bumilah hancur kaka’ai langit tagulung 2x
Jangan bacarai kaka’ai kita badua 2x

Hujan di padang kaka’ai hujan garimis 2x
Naik padati kaka’ai mambali kain 2x
Makin kupandang kaka’ai batambah manis 2x
Mambuat hati kaka’ai kada kalain 2x

Lamun mandulang kaka’ai ka jingah habang 2x
Bakulih intan kaka’ai sapiat haja 2x
Kamana hilang kaka’ai nang baju habang 2x
Bagian mata kaka’ai malihat haja 2x

* * *
http://lagu-kumpulirik.blogspot.com/

KARANA JANJI

Lamun Kuranji gugur buahnya               2x
Gugur buahnya 2x di pamandian
Lamun bajanji haja
Janji nang lawas 2x jangan di ganangkan

Lamun tiwadak masak sabiji                 2x
Masak sabiji 2x di balah dua
Lamun pang handak manuntut janji
Bapegang tangan 2x kita badua

Ka parigi jalan kampayan                      2x
Tarusakan di tarusakan ka margasari
Lamun janji adalah hutang
Harus di bayar 2x janji nang pasti

* * *
http://lagu-kumpulirik.blogspot.com/

TIRIK ANAK LAPAN

Guring tulanya api
Habis tulah malirang sayang,,, tulahnya malirang
Kalu tulah saputangan 
Ampatlah buncunya

Lamun tulah babini
Kada tulah malarang sayang,,, tulahnya malarang
Asal tulah basamangat
Janganlah bacarai

Kalu tulah kaladi
Kuning tulahnya bajarang sayang,,, tulahnya kamuning
Kalu tula karawilan
Ditampuhlah ribut

Lamun tulanya ikam
Lamun urang nang lain sayang,,,tulahnya nang lain
Kada tulahnya rila,,
Saumurlah hidup,,

Asam tulahnya pauh
Asam tulahnya pauh sayang,,,dalimanya lah pauh
Rama tulahnya rama
Batalilah banang

Kanda tulahnya jauh
Kanda tulahnya jauh sayang,,,adindalah jauh
Sama tulahnya sama
Hatilah mangganang,,

* * *
http://lagu-kumpulirik.blogspot.com/


SYAIR RADAP RAHAYU

Dangar-dangar kami bahiyau
Dangar-dangar kami manyaru
Ikam turun di kukus manyan
Ikam turun di kukus dupa

*Intro

Dangar-dangar kami bahiyau
Dangar-dangar kami manyaru
Ikam turun jangan saurangan
Bawa’i kawan nang sarasi

*Intro

Ikam turun tangan dinginan
Mamakai pusaka nang sarasi
Ikam turun baranak bacucu
Ruhui rahayu adat di nagri

* * *
http://lagu-kumpulirik.blogspot.com/
SYAIR JAPIN HADARAH

Kami manari sambil banyanyi,          2X
Manghibur  tuan datang kamari 
Kami manari mambangun nagri,          2X
Tarinya Japin Hadrah lastari
*Intro 
Kita barjumpa 4 pusaka              2X
Bersatu teguh kita semua            2X
Bergotongroyong itu semboyan        2X
Membangun negri itu tujuan    2X
Membangun negri itu tujuan    2X.

* * *
http://lagu-kumpulirik.blogspot.com/

LAGU UMA ABAH

Ya Allah
Hari panas manggantang
Tangah hari manggantang panas manggantang
Rasa rakai tulang higa sampai ka pinggang
Mangilik nanam galu caramin matanya
Uma batulak mancariakan rajakinya

Guntur kilat basambung
Hujan labat arus daras wan galumbangnya
Awak basah kadinginan di tangah sungai
Abah malunta baluman tantu pakulihnya
Abah batulak mancariakan rajakinya

Uma mun bulih sakit uma ku gantiakan
Lawan sagala pahalaku
Abah mun bulih paluh abah ku gantiakan
Lawan sagala tama ku
Uma ratu-ai
Abah raja-ai

Ya Allahuma Allah
Cium batis uma yang manyayangi
Kucium tangan abah nang malindungi
Ampuniakan dosa dosa uma wan abahku
Ampuniakan dosa dosa uma wan abahku

Uma mun bulih sakit uma ku gantiakan
Lawan sagala pahalaku
Abah mun bulih paluh abah ku gantiakan
Lawan sagala harta ku
Uma ratu-ai
Abah raja-ai

Allahuma Allah
Rabbighfirli wa li wa lidaya
Rabbighfirli wa li wa lidaya
Ampuniakan dosa dosa uma wan abahku
Ampuniakan dosa dosa uma wan abahku.

* * *
http://lagu-kumpulirik.blogspot.com/

0 komentar:

Posting Komentar

Cari Lagu


Diberdayakan oleh Blogger.